 |
කොළඹ: 'සිරිලිය සවිය' ව්යාපෘතියට අදාළව සිදුකෙරෙන මූල්ය විමර්ශන සම්බන්ධයෙන් ප්රකාශයක් ලබාදීම සඳහා හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය අද දින පොලිස් මූල්ය අපරාධ විමර්ශන කොට්ඨාසය (FCID) හමුවේ පෙනී සිටීමට පැමිණ ඇත.
සිරිලිය සවිය ව්යාපෘතියේ මූල්ය පාලනයට අදාළව පවතින විමර්ශන සඳහා ප්රකාශයක් ලබා දීමට පසුගිය මස 27 වැනිදා පෙනී සිටින ලෙස ඇයට මීට පෙර දැනුම් දී තිබුණි. කෙසේ වෙතත්, එම අවස්ථාවේදී තමාට පෙනී සිටීමට අපහසු බව පවසමින් ඇය සිය නීතිඥවරුන් මාර්ගයෙන් කරුණු වාර්තා කර සිටියාය.
එහිදී ඇය ඉල්ලා සිටි සති දෙකක සහන කාලය සලකා බැලූ විමර්ශන නිලධාරීන්, ඒ අනුව ප්රකාශය සටහන් කර ගැනීම සඳහා අද දින මූල්ය අපරාධ විමර්ශන කොට්ඨාසය හමුවේ පෙනී සිටින ලෙසට නැවත දැනුම් දී තිබේ.
'සිරිලිය සවිය' පදනම මගින් පවත්වාගෙන ගිය බැංකු ගිණුම්වල අරමුදල් පරිහරණය කිරීම සහ එම ගිණුම් ක්රියාත්මක වූ ආකාරය සම්බන්ධයෙන් සැක සහිත මූල්ය ගනුදෙනු පවතින බවට එල්ල වූ පැමිණිලි මත මෙම පරීක්ෂණ ක්රියාත්මක වේ.
පොලිස් මූල්ය අපරාධ විමර්ශන කොට්ඨාසය සඳහන් කරන්නේ අදාළ ව්යාපෘතියේ මූල්ය ලේඛන සහ බැංකු වාර්තා සම්බන්ධයෙන් ශිරන්ති රාජපක්ෂ මහත්මියගෙන් කරුණු විමසීමට නියමිත බවයි.
No comments:
Post a Comment